Sot, 2 prill, është Dita Botërore e Autizmit dhe nis muaji i ndërgjegjësimit për Autizmin.
Autizmi njihet si një çrregullim bioneurologjik i trurit që karakterizohet nga vështirësitë në komunikim, ndërveprim shoqëror, sjellje të përsëritura dhe rreze të kufizuar interesash.
Simptomat e Autizmit fillojnë të shfaqen para moshës tre vjeçare.
Gjatë 20 viteve të fundit, prevalenca e autizmit është rritur me 600%.
Në vitin 1975, 1 person në 1500 kishte autizëm, kurse në vitin 2014, një në 59 është diagnostikuar me çrregullim të spektrit autik.
Ekzistojnë disa lloje autizmi, mirëpo dy sindrome janë më të zakonshme, Asberger dhe Kaner.
Sipas shkencëtarëve, fëmijët autikë zakonisht kanë prirje të veçanta, prandaj inkurajimi dhe përkrahja për t’i zhvilluar më tej aftësitë e tyre ndikon pozitivisht në largimin e energjisë negative që mund të kenë ata.
