Pas humbjes së bashkëshortit tre muaj më parë, 18-vjeçarja ka ndërmarrë aktin tragjik duke i dhënë fund jetës me lëndë helmuese. Mirela Beta ndodhej në gjendje depresive kohët e fundit, pas humbjes së bashkëshortit.
E reja nga Vasjari i Memaliaj ka shkuar në gjendje të rënduar në reanimacionin e spitalit të Gjirokastrës. Por për fat të keq, ajo nuk ia doli dot mbanë.
Bashkëshorti i 18-vjeçares humbi jetën pas një aksidenti tragjik në punë, teksa punonte në ‘Bypassin’ e Levanit. Në këto kushte, duke mos pranuar dot humbjen e rëndë, e reja i ka dhënë fund jetës së saj duke konsumuar lëndë helmuese.
