Kryministri Rama ka pasur sot si destinacion të takimeve me qytetarët, qytetin e Elbasanit.
Gjatë këtij takimi ku të ftuara ishin gratë, Rama u shpreh se roli i vajzave dhe nënave në shoqëri është një element i rëndësishëm për emancipimin e shoqërisë Shqiptare.
Lidhur me krizën politike, ai u shpreh se Partia Socialiste do të nisë fushatën për zgjedhjet e 18 qershorit duke filluar që nga dita e nesërme.
Sipas tij, Shqipëria sot është në një krizë politike të krijuar nga Partia Demokratike e cila po del nga rruga e arsyes.
Rama nuk ka nguruar të ironizojë edhe përpjekjet e lutjes që ai i ka bërë Lulzim Bashës për zgjidhjen e krizës duke e krahasuar me Romeon dhe Zhulietën te vepra e Shekspirit.
Më tej Rama shtoi se Partia Socialiste ka qenë e angazhuar dhe në zgjidhjen e kësaj krize maksimalisht si me opozitën por edhe me kërkesën për asistencë nga ndërkombëtarët.
“Ne u tërhoqëm nga zgjedhjet ne Kavajë, pasi donim ti jepnim një shans dhe një mundësi për t’i hapur PD-së rrugën e arsyes dhe ta bëjmë të kthehet nga rruga e paditur. Por nuk kjo nuk ishte prova se ne kishim frikë. Por ne na dhimbset edhe vendi edhe mbarëvajtja e procesit demokratik. Ne jemi në orët e fundit, ata vazhdojnë lojën duke thënë se tani janë dakord për gjithçka që nuk ishin dakord atëherë kur nuk ishin dakord. Po pse çfarë është Shqipëria një oborr kopshti ku të gjithë duhet të shkojnë mbrapa një fëmije grindavec? Nuk është dobësi që ne i shtrijmë dorën opozita. Pra zgjedhjet nuk janë lojë dhe nuk janë e drejtë e partive. Pra ne nuk mund ti themi shqiptarëve se ne nuk vijmë në votime se kemi ca punë. Ajo që pretendon PD është një lojë që vazhdon, ndërsa ne jemi në një rrugë që vazhdon dhe kjo është rruga që të bëjmë shtet. E fundit që duhet t’ju them është se ajo qe është zhvilluar nuk është negociatë mes meje dhe Lulzimit, por unë e kam thënë se për mua çështja është mbyllur. Pas tërheqjes nga Kavaja ne nuk kemi çfarë negociojmë. Letra e Hahn është për popullin shqiptar ku thuhet se pse nuk patëm marrëveshje. Kjo është një përpjeke partnerëve tanë amerikanë. Unë nuk flas në emër të SHBA. Ata flasin në emër të SHBA. Ka edhe shumë pak orë dhe Lulzim Basha ka një ofertë që mbështet nga partnerët dhe është i ftuar ta konsiderojë dhe unë i them ta pranojë. Ne nuk luajmë me Shqipërinë, nuk luajmë me njerëzit e këtij vendi dhe nuk luajmë me rregullat që i kemi përcaktuar dhe ua kemi bërë njerëzve me dije këtë”- tha Rama.
