18 muaj më parë një vullnetare italiane u rrëmbye në Kenya, Afrikë.
Fatmirësisht, ditën e sotme ajo është rikthyer në vendin e saj.
25-vjeçarja Silvia Romano pasi mbërriti në Romë përqafoi prindërit dhe motrën dhe u përshëndet nga kryeministri dhe ministri i Jashtëm i Italisë.
Ajo u la e lirë nga grupi i dyshuar islamik al-Shabab pranë kryeqytetit të Somalisë Mogadishu të shtunën.
Shërbimi sekret i Italisë thuhet se është ndihmuar nga Turqia dhe Somalia për të siguruar lirimin e saj.
Ndërkohë, asnjë grup nuk ka marrë përgjegjësinë për rrëmbimin e italianes 18 muaj më parë.
Ajo është shprehur se ndihej mirë, si “fizikisht ashtu edhe mendërisht”.
Babai i saj tha se ishte “duke shpërthyer nga gëzimi”.
Këmbanat e kishës u ngritën dhe njerëzit duartrokitën nga ballkonet e tyre duke përshëndetur kthimin e 25-vjeçares.
