Barcelona u eliminua në mënyrë të turpshme nga Champions League, pasi Liverpool përmbysi një rezultat që dukej i pamundur që të ndodhte. Por ndeshja me fitoren 4-0 të “Reds” do të kishte shkuar në shtesë, nëse sekondat e fundit të takimit të parë do të kishin shkuar ndryshe.
Sa shumë që po e vuan talenti Ousmane Dembele një rast të tillë, ndërsa po etiketohet nga të gjithë tifozët e Barcelonës, si fajtori kryesor për eliminimin e kësaj skuadre nga “Champions League”.
Megjithëse atë humbje të turpshme me rezultatin 4-0 në “Anfield Road” e ka ndjekur si tifoz për shkak të dëmtimit, mendjemadhësia e këtij lojtari ndikoi jo pak në atë eliminim. Kur Barcelona fitoi me rezultatin 3-0 në ndeshjen e parë, Dembele kishte një rast flagrant në fundin e ndeshjes, për të gjetur edhe golin e katërt.
https://twitter.com/carlos_valencia/status/1125856551732961280
Si një lojë fëmijësh ishte shtyrja e topit drejt rrjetës, por nisur nga rezultati dhe gjendja ku ndodheshin, Dembele fali gjithçka duke mos i kushtuar shumë rëndësi atij aksioni. Lionel Messi do të qeshte duke mos u besuar syve për atë rast që francezi shpërdoroi, por tashmë janë tifozët e Barcelonës që kërkojnë llogari, për 150 milionë eurot e hedhura në kosh te një lojtar që tregohet i pavëmendshëm në një kompeticion të tillë, ku një detaj bën gjithmonë diferencën.
