Kryeministri Rama ka lajmëruar me anë të një postimi në rrjetet sociale, se 15 vjeçarja nga Fushë-Kruja, Elona Kuburja po transferohet në një spital të specializuar publik në Stamboll, nën kujdesin maksimal të autoriteteve dhe të një skuadre mjekësh specialistë.
“Kam një lajm të mirë për të gjithë miqtë e interesuar për Elonën, 15 vjeçaren e prekur nga një sëmundje shumë e rrallë dhe e rëndë.
Vogëlushja po transferohet në këto momente në një spital të specializuar publik në Stamboll, nën kujdesin maksimal të autoriteteve, dhe të një skuadre mjekësh specialistë, të ngritur enkas për të. Uroj megjithë zemër që Elona të kthehet shëndosh e mirë në Tiranë”.
Vajza ka lindur me një sëmundje të rrallë, me të cilën janë të raportuara vetëm 250 raste në botë. Elona nuk mundi të gjejë dot kurim në Shqipëri, ndaj i duhej të kurohej në një spital privat në Stamboll. Vajza nga Fushë-Kruja është diagnostikuar me një sëmundje tepër të rrallë dhe të rëndë, që në gjuhën mjekësore njihet si hemangioma kongenitale me evolim drejt sindromës kasabach mërittë.
