Kur kanë kaluar 14 vite nga tragjedia e Vlorës ku humbën jetën 28 persona pas përmbysjes së gomones, familjarët kërkojnë drejtësi duke fajësuar drejtuesit e policës së asaj kohe, por edhe gjykatës e prokurorë.
Ata kanë përsëritur akuzat ndaj strukturave të atëhershme shtetërore se, lanë në mes të detit familjarët e tyre. Të rinjtë që humbën jetën ishin nisur në drejtim të Italisë për një jetë më të mirë, por fatkeqësisht ata humbën jetën në mes të detit.
Familjarët e tyre kanë protestuar në qytetin e Shkodrës, ndërsa kërkojnë që drejtësia të thotë fjalën e vet.Ata kanë kërkuar sërish gjetjen dhe dënimin e fajtorëve dhe janë shprehur se kanë ende shpresë se do të bëhet drejtësi.
Për shkak të motit të acartë dhe dallgëve të mëdha, 9 janarin e vitit 2004 gjetën vdekjen 28 nga 36 persona që ndodheshin në bordin e gomones që synonte të arrinte brigjet e Italisë.Ndërkohë, 8 të tjerëve nuk u janë gjetur ende trupat. Viktimat ishin kryesisht nga Shkodra dhe Lezha.
