Një fëmijë 12-vjeç me origjinë shqiptare u nxor i pajetë nga plazhi i Zefiros në qytetin e Rodosit. Ngjarja e rëndë është raportuar të dielën.
Fëmija u transportua nga automjeti i ambulancës, në Spitalin e Përgjithshëm të Rodosit, ku u regjistrua vdekja e tij.
Mediat greke thonë se nga Autoriteti Qendror i Portit të Rodosit, i cili po kryen hetimin paraprak, është urdhëruar kryerja e autopsisë për përcaktimin e shkaqeve të vdekjes.
