12 vite më parë kombi shqiptar i dha lamtumirën e fundit njërës prej figurave më të ndritura të Kosovës, i cili dha jo pak për rrugën e pavarësisë së shtetit më të ri të Evropës. Gjatë ditës së sotme në varrin e tij janë zhvilluar homazhe nga figura, politikanë, diplomatë dhe padyshim mesazhe për jetën dhe veprën e tij.
Ish-kryeministri i Shqipërisë, Sali Berisha me anë të një statusi nënvizoi se kanë kaluar 12 vite nga ndarja me Rugovën, ndërsa nuk harron ta quaj si “Gandi i shqiptarëve” dhe vizionari i kombit tonë. Sakaq, Berisha shkruan se Edi Rama ka bllokuar vendosjen e shtatores së Rugovës në kryeqytet, duke shtuar se ai jeton dhe do të jetojë në mendjet dhe zemrat e shqiptarëve.
Statusi i Berishës
Te dashur miq, sot eshte 12 vjetori i ndarjes nga jeta te Presidentit legjendar, gjeniut vizionar te kombit shqiptar, arkitektit te lirise dhe pavaresise se Kosoves. Shqiptaret kudo ne bote sot nderojne me mirenjohje te pakufishme vepren e pavdekshme te presidentit Rugova, burrit te shtetit qe shkriu jeten per Kosoven e lire, te pavarur e europiane, dhe per gjithçka qe beri per lirine dhe dinjitetin tone kombetar.
Prej gati pese vitesh, albanofobi Edvin Kristaq Rama, njeriu qe ka vendosur ne gjoksin e famziut Bregoviç çelesin e arte te kryeqendres se vendit, ka bllokuar vendosjen e shtatores se Presidentit Rugova ne Tirane, por Gandi i shqiptareve, i Ballkanit dhe Europes jeton perjete ne mendjet, ne zemrat dhe lirine e mbare kombit tone! sb
