Me rastin e 105-vjetorit të shpalljes së pavarësisë së Shqipërisë, Presidenti i Rusisë, Vladimir Putin, i ka dërguar një mesazh urimi presidentit Ilir Meta. Në mesazhin e urimit thuhet: “Merrni urimet e mia me rastin e festës kombëtare të Shqipërisë, Ditës së Flamurit. Synojmë përparimin e marrëdhënieve ruso-shqiptare. Kjo sigurisht do të ishte në përputhje me interesat thelbesore të popujve të vendeve tona, dhe do t’i shërbente përforcimit të paqes dhe stabilitetit në Ballkan dhe në të gjithë Evropën.
Presidenti Putin e mbyll mesazhin e urimit duke i uruar suksese Presidentin Meta, por dhe duke shprehur vullnetin për shqiptarët që të kenë mirëqenie dhe begati në jetën e tyre të përditshme.
Mesazhi i urimit për pavarësinë e Shqipërisë nga presidentit i Rusisë, Vladimir Putin:
Mesazh urimi i Presidentit të Rusisë Vladimir Putin për Presidentin e Shqipërisë Ilir Meta me rastin e Ditës së Flamurit:
SHKËLQESISË SË TIJ
Z. ILIR META,
PRESIDENT I REPUBLIKËS SË SHQIPËRISË
Tiranë
I nderuar zoti President,
Merrni urimet e mia me rastin e festës kombëtare të Shqipërisë,
Ditës së Flamurit.
Synojmë përparimin e marrëdhënieve ruso-shqiptare. Kjo sigurisht do të ishte në përputhje me interesat thelbesore të popujve të vendeve tona, dhe do t’i shërbente përforcimit të paqes dhe stabilitetit në Ballkan dhe në të gjithë Evropën.
Ju uroj Juve shëndet dhe suksese, ndërsa të gjithë qytetarëve të Shqipërisë u uroj mirëqenie dhe begati.
Me respekt,
VLADIMIR PUTIN
28 nëntor 2017
