Një grup masiv lojtarësh bingo pretenduan çmimin e madh në para, për shkak të një gabimi në secilën prej letrave të tyre. Gjithsej 101 persona u mblodhën në një shesh në Ceará, Brazil, për një natë bingo të shtunën kur shpërthyen nga emocionet kur u thirr numri 49.
Pamjet e skenës kaotike treguan lojtarët e bingos duke tundur me gëzim letrat e tyre, secili duke kërkuar çmimin, afërsisht 184 dollarë.
Xhekpoti u rrumbullakos në 190 dollarë, dhe u nda në mënyrë të barabartë, raportoi gazeta braziliane G1.
Maurício Façanha, i cili drejtoi bingon për dy vjet, pranoi fajin për gabimin. Ai i tha G1 se nuk ishte në dijeni që secila nga 500 kartat model që u prodhuan në shtypshkronjën e tij, përmbanin numrin fitues.
“Isha i shtangur duke u përpjekur ta kuptoja, por kur ndalova ta analizoja, pashë… të gjitha letrat kishin (numrin) 49”, tha Façanha. “Ishte një gabim grafik që nuk duhej të kishte ndodhur. Për mua ishte befasuese. Të gjithë ishin euforikë që kishin fituar. Filluan të bërtisnin”.
Burimi i lajmit: dailymail. Përshtatur nga Tirana Today
