Demokratët çdo ditë e më shumë po ngrenë zërin e tyre, në lidhje me vjedhjen që sipas tyre, po ndodh në çdo institucion.
Deputeti Gent Strazimiri ka komentuar një shkrim, ku thuhet se nuk ndalet kërdia në shtet, për 6 muaj mbi 100 milion euro abuzime.
Për të, vjedhja është kolosale, me shifra marramendëse, e ajo që trumbetohet si sukses, është veçse një dështim.
“100 milionë euro janë baraz me 100 km autostradë, ose 30% e vlerës së Rrugës së Arbrit, ose 3 vjet mirëmbajtje e autostradës së kombit “Berisha-Rugova”!!!! Kjo vetëm në 6 muaj…. Po vjedhin me urgjencë, si ditën e fundit, sepse po ndjejnë fundin!!!”, shkruan ai në Facebook.
