Zv.kryeminisri në largim i Kosovës, Enver Hoxhaj, deklaron se një shtet i rajonit iu ka thënë se Serbia po përgatit një fushatë për tërheqjen e njohjeve.
I ftuar në “Rubikon” në KTV, Hoxhaj, tha se tërheqja e njohjeve për të nuk ka është një situatë e re, teksa shton se janë përmendur edhe mjetet të cilat do të përdoren për këtë fushatë.
“Janë 13 vende të cilat i kanë tërhequr njohjet. Ne duhet ta kuptojmë njëherë karakterin e shtetësisë tonë. Nëse ne do të ishim anëtarë i OKB-së, njohja do të ishte universale. Në këtë situatë kur një vend e njeh Kosovën duhet të vendosen marrëdhëniet diplomatike. Ka disa të vërteta që janë të lëndueshme”, u shpreh Hoxhaj.
Sipas tij, ai ka informata që edhe 10 vende tjera mund ta tërheqin njohjen.
“Unë kam informata të besueshme dhe në raportin diplomatik kjo është serioze. Ne e kemi përdorur dialogun për me marrë njohje”, deklaroi ai.
Hoxhaj shton se Kosovës i duhet një politikë e jashtme që ka plan operativ dhe mendim strategjik, në mënyrë që të parandalojë tërheqjen e njohjeve. Ai vijon më tej, duke thënë se duhet të koordinohen me partnerët, që të rikthehen njohjet dhe të kërkojnë nga Serbia, ta ndalë fushatën për tërheqjen e tyre.
“Ne mund të flasim për korrigjim të kufijve por jemi larg të vërtetës, sepse asgjë nuk ka të bëjë”, tha ai.
Hoxhaj tha se Vetëvendosja ka dashur t’i jap më shumë të drejta serbëve, teksa shton se
qasja e VV-së që duhet të ketë dialog të brendshëm me serbët e Kosovës dhe jo me Serbinë, ka qenë e gabueshme dhe e pamenduar.
“Qasja juaj që duhet të ketë dialog të brendshëm me serbët e suspendon kapitullin 35”, vijoi Hoxhaj.
