Pushimet erdhën por jo të gjithë kanë mundësinë financiare për ti shijuar. Çmimet e larta dhe shpenzimet e shumta frenojnë dëshirën për të njohur vende të bukura të cilat kushtojnë shumë. Megjithatë ishujt grekë ofrojnë çmime të ulëta për pushuesit dhe sigurisht, ofrojnë plazhe të bukura të cilët duke u lidhur me historinë e vendit mbeten të paharrueshëm.
Ishulli Serifos
Ishulli Serifos është në top listën e destinacioneve të Greqisë. Është vetëm dy orë larg me varkë nga Pireu dhe bukuria e plazheve arrin të depërtojë në qetësimin dhe relaksimin e pushuesve. Në të njëjtën kohë çmimet janë mjaft të ulëta, duke afruar shumë turistë.
Ishulli Kythera
Ishulli i Afërditës gjendet në jug të Peloponezit, në Detin Jon. “Xhevahiret” e këtij ishulli gjendet mes vendeve të tij të bukura, te fshatrat piktoreskë, monumentet bizantine, fortesat veneciane, kishat e manastiret. Frekuentohet shumë nga vetë grekët dhe nuk është shumë i njohur në turizmin ndërkombëtar. Shtëpitë e peshkatarëve kanë çmime të ulëta.
Ishulli Karpathos
Në juglindje të Detit Egje gjendet Karpathos. Mes karakteristikave të shumta që e veçojnë nga ishujt e tjerë është era Meltemi që fryn furishëm. Kjo e bën ndër ishujt më të dashur nga serfistët. Hotelet më ekonomikë gjenden në Pigadia.
Ishulli Andros
Gjendet në veri të arkipelagut Cicladi dhe është një ishull mjaft i vizituar duke qenë se është më afër portit të Attica-s. Plazhet e gjatë me rërë dhe ujërat e kristalta ju garantojnë pushime çlodhëse.
Ishulli Thassos
Ky ishull grek ndodhet në kulmin verior të vendit. Duke qenë disi larg është relativisht pak i njohur nga turizmi masiv, por kjo e bën akoma më tundues për ta vizituar.
Ishulli Symi
Rreth një orë larg me traget gjendet një ishull grek, në Detin Egje pikërisht në arkipelagun Dodecanese,. Është një ishull i vogël me shumë shkëmbinj dhe ujëra të kristalta. Pika më e bukur e këtij ishulli është Manastiri i Panormiti, ku pelegrinët mblidhen në nder të Kryeengjëllit Mikel, që konsiderohet mbrojtësi i ishullit. Symi konsiderohet si një prej ishujve që rrezaton historinë antike greke.
Ishulli Ikaria
Për të shkuar në ishullin Ikaria duhet të bëni një udhëtim të gjatë me traget dhe kjo e bën një destinacion pak popullor nga turizmi masiv. Por në brendësi të tij ishulli Ikaria fsheh mjaft vende piktoreske dhe plazhe të mrekullueshme, veçanërisht në pjesën jugore të tij. Çmimet janë të ulëta dhe plotësisht të justifikueshme, në raport me ato që vendi ofron.
Ishulli i Kretës
Ishulli më i madh në gjithë Greqinë, simbol i bukurive ishullore të Greqisë. Ofron larmishmëri në zgjedhjen e hotelit dhe është i pasur me plazhe të shumta, parqe natyrorë dhe mjaft vende antike për t’u vizituar. Turistët që e kanë vizituar thonë se bukuria e tij nuk duhet humbur.
Ishulli Kos
Ishulli Kos po popullohet gjithnjë e më shumë. Pastërtia dhe virgjëria e plazheve të tij është mjaft tunduese, dhe të vendosur përballë çmimeve të ulëta numri i turistëve që e vizitojnë këtë ishull rritet çdo vit.
Ishulli Milos
Ishulli Milos ka plot 75 plazhe. Është ishull vullkanik dhe konsiderohet si një nga perlat e Greqisë. Çmimet e pushimeve në këtë ishull janë mjaft të ulëta, duke i dhënë mundësi shumë njerëzve për ta vizituar.
