Në historitë e çifteve të divorcuara, janë dëgjuar histori nga më të pabesueshmet. Të tilla janë për shembull, të ndahesh nga bashkëshorti apo bashkëshortja sepse kalon shumë kohë në rrjetet sociale.
Sigurisht, dashuria kërkon sakrifica, por ka njerëz që nuk tolerojnë aspak, madje kanë shkuar deri në gjykatë për t’u divorcuar për arsye nga më absurdet.
Bright Side sjell 10 arsyet më të çuditshme që shumë çifte i kanë dhënë fund martesës ndër vite.
Rrjetet sociale
Shumë njerëz janë të fiksuar pas rrjeteve sociale dhe kalojnë shumë kohë duke lundruar në internet. Por, një grua nga India i dha fund martesës vetëm sepse i shoqi nuk ndryshoi statusin e tij nga “beqar” në “i martuar” në llogarinë e tij në Facebook.
Enët e palara
Enët e palara bëhen shpesh shkak debati për çiftet. Madje ka nga ata që i lajnë enët me radhe. Por, një grua ishte aq e fiksuar, saqë është ndarë nga i shoqi pasi ai e ka lënë filxhanin e palarë në lavaman.
Mesazhet e pakthyera
Sa herë xhindoseni kur personi juaj i zemrës nuk ju kthen mesazhin? Epo kjo mund të çojë deri në divorc! Një grua nga Tajvani u nda nga bashkëshorti, pasi ai nuk i ka kthyer mesazhet edhe pse i ka lexuar. Ajo madje ka treguar edhe mesazhet, duke pretenduar se ai e ka injoruar.
Mënyra se si e konsumon ushqimin
Kini kujdes nëse hani shpejt dhe në mënyrë aspak estetike. Një grua nga Kuvajti u divorcua nga bashkëshorti i saj vetëm një javë pas martesës, pasi i shoqi nuk hante siç duhet. Ai ndonjëherë nuk i preferonte pirunin dhe lugën, por e konsumonte ushqimin me dorë. Kjo ishte një gjë e patolerueshme për gruan.
Pastrimi kimik
Nëse doni të çoni rrobat e bashkëshortit tuaj në pastrim kimik, bëni mirë të konsultoheni më parë me të! Një fans i çmendur i futbollit u nda nga bashkëshortja e tij për shkak të pastrimit kimik. Ai koleksiononte autografët e futbollistëve në një bluzë dhe gruaja e tij ka vendosur ta lajë. Si rrjedhojë, të gjithë autografët janë fshirë, gjë e patolerueshme kjo nga tifozi.
Grimi
Para se të martoheni, sigurohuni që i dashuri juaj t’ju shohë edhe pa make up. Pak ditë pas dasmës, një burrë braktisi gruan e tij pasi e pa atë pa grim. 34-vjeçarit nuk i pëlqeu gruaja pa grim kështu që ka vendosur të ndahet. Madje, ai e ka akuzuar 28-vjeçaren se përdorte shumë produkte kozmetike dhe vendoste qerpikë falso.
Bindjet politike
Një grua nga Kalifornia u nda nga bashkëshorti i saj, pas 22 vitesh bashkë pasi zbuloi se ai kishte votuar për Donald Trump. Ajo tregoi se kur e ka mësuar këtë gjë ndihej e tradhtuar nga bashkëshorti i saj.
Pastrimi
Në vitin 2009 një gjermane u nda nga bashkëshorti, pas 15 vitesh martesë. Ajo ka treguar se arsyeja e ndarjes kishte qenë pastrimi që i bënte gjithmonë bashkëshortit. Por, ai as që mundohej ta ndihmonte.
Letra dashurie
Një 99-vjeçar në Itali vendosi të ndahej nga gruaja pas 77 vitesh martesë. Ai gjeti letrat e gruas së tij qe ajo ia kishte dërguar një të dashuri sekret në vitin 1940. Gruaja u përpoq ta ruante martesën e saj, por 99-vjeçari e kishte marrë vendimin.
Pseudonimi në telefon
Në vitin 2009, një grua arabe vendosi të ndahej nga burri pas 17 vitesh martesë pasi mësoi pseudonimin që i kishte vendosur bashkëshorti në celular. Teksa kontrollonte në telefonin e tij, numrin e saj ai e kishte regjistruar “Guantanamo”, një burg ushtarak në Shtetet e Bashkuara të Amerikës. Gruaja u ofendua nga ky emër dhe kërkoi menjëherë divorcin edhe pse kjo ishte një shaka “e keqe”, por në thelb mbetej shaka. Gjithsesi burri nuk e bindi dot që ta falte.
