Ministrja e Arsimit Besa Shahini përmes një videoje të publikuar në rrjetet sociale, ka uruar fëmijët për festën e 1 Qershorit.
Ajo shprehet se fëmijët kanë të drejtë që të jetojnë shëndetshëm, të sigurt, pa dhunë, pa diskriminim, me mirëqenie sociale dhe të mirë-arsimuar.
“Ne, të rriturit dhe institucionet shtetërore, kemi detyrimin të sigurojmë këto të drejta për të vegjlit tanë. Në shkollë, mësuesi ndihmës ndihmon nxënësit me aftësi të kufizuara të arrijnë potencialin e tyre maksimal akademik. Politika e librave falas ndihmon në përfshirjen e të gjithë fëmijëve në arsim. Rregulloret e ndryshuara të shkollave mbrojnë fëmijët nga diskriminimi dhe dhuna në shkollë”, pohoi Shahini.
