Premiera e sezonit të 8 të “Game of Thrones” ka thyer rekordet, duke u ndjekur nga 1 miliardë njerëz. Episodi hapës është transmetuar në 170 vende të botës. Vëmendja ka qenë e shtuar, aq sa njerëzit kanë sakrifikuar edhe punën për ta shijuar të qetë. Vlen të theksohet se në Britani, është raportuar për shumë njerëz që kishin marrë leje nga puna apo nga shkolla, vetëm për të ndjekur të qetë premierën.
Sigurisht, në 1 miliardë njerëz që e kanë ndjekur, përfshihen vetëm ata që e kanë parë në televizion, por një shifër tjetër shumë e madhe e kanë ndjekur online në kompjuterat e tyre apo në mënyrë pirate. Kjo konfirmon dhe faktin që “Game of Thrones” është seriali më i ndjekur për momentin.
