Ministri i Brendshëm, Thomas de Maizière, është kritik ndaj pranimit të mundshëm të vendeve të Ballkanit Perëndimor në BE deri në vitin 2025.
“Dyshoj në ato që ne i quajmë datat dhe të themi rreth vitit 2025 duhet të bëhet gjithçka“, tha politikani i CDU gjatë një takimi të ministrave të brendshëm të BE në Bruksel. Së pari, shtetet duhet t’i plotësojnë kushtet, atëherë ata mund të vendosin të bashkohen. “Thënia e datave është rendi i gabuar”, raporton handelsblatt.com.
Në fillim të shkurtit, Komisioni i BE u kishte premtuar vendeve të Ballkanit Perëndimor reforma të shpejta deri më 2025. Megjithatë, ende ekzistojnë mangësi në fushën e krimit të organizuar, korrupsionit dhe konflikteve të pazgjidhura ndërshtetërore. Përveç Malit të Zi dhe Serbisë, Ballkani Perëndimor gjithashtu përfshin Shqipërinë, Kosovën, Maqedoninë dhe Bosnje-Hercegovinën.
Një deklaratë e tillë nga ana e Gjermanisë vjen menjëherë pas deklaratave të bëra nga ana e Presidentit të Komisionit Evropian gjashtë takimeve që pati në fillim të muajit me liderët e 6 vendete të Ballkanit Perëndimor. Këto të fundit kërkojnë t’i bashkohen familjes evropiane. Por, për Brukselin shumë pak është bërë deri më tani për procesin e anëtarësimit. Serbia, Mali i Zi janë më të avantazhuara kundrejt vendeve të tjera midis të cilave edhe Shqipëria, e cila pret hapjen e negociatave mes reformave gjysmake që ka ndërmarrë vitet e fundit.
Bashkimi Evropian kërkon t’i bëjë pjesë të tij vendet e Ballkanit Perëndimor, por ato duhet të zgjidhin më parë çështjet kufitare dhe të realizojnë reformat e ndërmarra.
Pas vizitës në vendet e Ballkanit Perëndimor, në një intervistë për euronews Juncker është shprehur: “Ne nuk flasim për të dhënat e anëtarësimit apo rezultatet, ne flasim për procesin. Dhe unë jam përpjekur t’i bind qeveritë në këtë rajon që të përmbushin të gjitha kushtet dhe kriteret për aderim. Viti 2025 që po synojmë është një udhëzues, jo një premtim. Nuk duhet të harrojmë se në Evropën Perëndimore ekziston një lloj lodhje e zgjerimit. Sidomos kur është fjala për Serbinë dhe Malin e Zi. Por të dyja po bëjnë përparim, ne duhet t’i ndihmojmë ata”.
Por, për BE ccështja e antarësimit të vendeve të BE-së nuk është shqetësimi më i madh. Është çështja e migracionit, ku Gjermania këmbëngul në një shpërndarje “të drejtë” të refugjatëve në Evropë, theksoi Maizière. “Ne po diskutojmë se si mund të arrijmë një marrëveshje të mirë për këtë. Por qëndrimi lidhet për shkak të mosmarrëveshjes për një sistem kuotash të mundshme për rishpërndarjen e refugjatëve në BE, reforma e planifikuar e politikës së azilit të BE-së që nga viti 2016 nuk po përparon. Qëllimi i shteteve të BE është të arrijë një marrëveshje politike deri në qershor”. TIRANA TODAY