I dërguari special i Organizatës Botërore të Shëndetësisë në Britani, David Nabarro, deklaroi se do të duhet të kalojë një kohë e gjatë derisa të shohim fundin e pandemisë së koronavirusit. Sipas tij, virusi pritet të shfaqë variante të reja, shkruan The Guardian.
“Zhdukja nuk është aktualisht një objektiv i arsyeshëm për botën. Njerëzimi do të duhet të mësojë se si të bashkëjetojë me këtë virus. Ky virus nuk do të zhduket së shpejti, por do të ketë variante që do shfaqen”, tha Nabarro në një intervistë për Sky News.
Nabarro u shpreh se njerëzit do të duhet të mësojnë të jetojnë me sëmundjen, teksa deklaratës së tij, i bëri jehonë Dame Anne Johnson , një profesore e epidemiologjisë së sëmundjes së infeksionit në University College London.
Sipas Worldometers, deri më tani janë regjistruar 174,191,149 raste me koronavirus, ndërsa 3,747,055 persona kanë humbur jetën.
