Zëvendës ndihmës Sekretari Amerikan i Shtetit, Matthew Palmer ka mbërritur në Kryeministri, ku është pritur nga kreu i qeverisë Rama.
Vizita e Palmer në Shqipëri vjen pas krizës politike që ka kapluar vendin, pas djegies së mandateve nga opozita e bashkuar.
Mësohet se zëvendës ndihmës Sekretari Amerikan i Shtetit do të zhvillojë një sërë takimesh me personalitete të politikës në vend, në kuadër të gjetjes së një zgjidhjeje të krizës politike.
Ai do të takohet nesër edhe me presidentin Meta, ndërsa më pas do të pritet nga liderët e partive më të mëdha opozitare, Kryemadhi e Basha.
Pas takimeve me zyrtarët e lartë, mësohet se Matthew Palmer do të ketë një takim edhe me një grup gazetarësh shqiptarë.
