Ekipi i Kukësit ka njoftuar para pak minutash largimin e Mirel Josës nga pankina e verilindorëve.
“Njoftim i klubit.
Futboll Klub Kukesi njofton se Mirel Josa nuk eshte me trajner i skuadres sone. Pas perfundimit te sezonit, trajneri Josa ka pasur nje bisede me drejtuesit e klubit dhe me pas eshte vendosur qe te nderpritet bashkepunimi. Kukesi e falenderon trajnerin Josa per kontributin e dhene dhe i uron suksese ne karrieren e tij”
Në njoftimin e klubit thuhet se trajneri kampion Shqipërie ka pasur një takim me klubin dhe drejtuesit ku dhe është vendosur largimi. Nuk është e qartë nëse është shkarkim apo largim i vetë trajnerit.
Josa u vu në krye të kukësit në sezonin e sapombyllur që rezultoi dhe sezoni më i deshtuar i Kukësit që nga ngjitja në Superligë.
