Tashmë është zyrtare, Donjet Shkodra nuk është më lojtar i Kukësit. Klubi verilindor njoftoi sot largimin e mesfushorit nga Kosova, i cili u aktivizua 46 ndeshje dhe arriti të shënonte 3 gola me nënkampionët.
Lajmin zyrtar klubi e njoftoi nëpërmjet një njoftimi në Facebook, ku edhe e falënderoi Shkodrën për kontributin e dhënë në skuadrën e Kukësit.
Para largimit të 29-vjeçarit, më herët u larguan edhe Harba, Shpaher dhe Vangjel Zguro.
