UEFA ka refuzuar marrëveshjen me Milanin ‘Voluntary Agreement’, parashikuar nga Fair Play Financiar. Këtë gjë kishte dit që e paralajmëronin mediat spanjolle, por ditën e sotme është bërë zyrtare nga UEFA.
Rossonerët kishin prezantuar një plan ku shihej stabilizimi ekonomik i klubit për vitet e ardhshme, me të cilin u shpresua të bindej UEFA që të heqë dorë nga sanksionet.
“Dhoma e Hetuesit të Trupit të Pavarur të Kontrollit Financiar të UEFA-s ka shqyrtuar kërkesën për një marrëveshje vullnetare të bërë nga AC Milan, si pjesë e rregulloreve të Fair Play Financiare (FFP)”, shkruan në njoftimin e Federatës Evropiane të Futbollit.
“Pas shqyrtimit të kujdesshëm të gjithë dokumentacionit dhe sqarimeve të ofruara, Dhoma vendosi të mos të arrij marrëveshje vullnetare me Milanin. Në veçanti, Dhoma konsideroi se, që nga sot, ka ende paqartësi në lidhje me rifinancimin e kredive që duhet të paguhen në tetor të vitit 2018 dhe garancitë financiare të ofruara nga aksioneri kryesor”, përfundon njoftimi.
Me këtë vendim, por edhe me vështirësitë për të arritur kualifikimin në Champions, duket se kuqezinjtë do të përballen me vështirësi të mëdha, çka nënkupton se do të detyrohen të shesin disa prej lojtarëve më të vlerësuar. Vetë Drejtori Sportiv i Milanit, Marco Fassone u shpreh se ky ishte një vendim i pritshëm, pasi kërkesat e UEFA-s ishin të pamundura për t’u plotësuar menjëherë.
