Gian Piero Ventura është shkarkuar nga posti i trajnerit të Italisë, pas një komunikate të lëshuar nga vetë përfaqësuesja. Fati i trajnerit veteran u vendos pas një takimi me Federatën Italiane të Futbollit (FIGC) në Romë.
Për herë të parë që nga viti 1958, Kombëtarja e Italisë nuk është kualifikuar për Kupën e Botës, pas eliminimit nga Suedia në dy ndeshje të zhvilluara. Ventura nuk dha dorëheqje menjëherë pas ndeshjes me Suedinë, duke thënë se i duhet kohë për të biseduar me presidentin e federatës italiane.
Sidoqoftë, përfaqësuesja italiane, përmes një komunikate, ka konfirmuar shkarkimin e Venturas nga posti i trajnerit.
