Tekniku italian Edy Reja, zyrtarisht nuk është më trajneri i Kombëtares shqiptare të futbollit. Kontrata e Reja-s me FSHF ka përfunduar sot, duke mbyllur marrëveshjen mes dy palëve, teksa ende nuk ka një zëvendësues për stolin.
Stoli i kuqezinjve ka mbetur vakant pas përfundimit të kontratës mes Edoardo Rejës dhe Federatës Shqiptare të Futbollit.
Ndeshja me Armeninë praktikisht ishte e fundit për italianin 77-vjeçar, dhe pak ditë më parë i përfundoi edhe kontrata duke dalë kështu një trajner i lirë, në pritje të bisedimeve me presidentin e FSHF-së Armand Duka.
