Data 27 nëntor do të jetë pushim për të gjithë punonjësit e administratës. Vendimi është marrë nga qeveria dhe është publikuar sot në faqen e Këshillit të Ministrave.
Ky vendim është marrë në mënyrë që të gjithë punonjësit e administratës të kenë 5 ditë pushim pa ndërprerje duke qenë se dy ditë pushime janë të fundjavës e më pas e marta dhe e mërkura po ashtu, që përkojnë me 28-28 nëntorin. Prandaj, është menduar që edhe e hëna, më 27 nëntor të jepet pushim, ndërsa është vendosur që kjo ditë të zëvendësohet në një nga ditët e pushimit brenda këtij viti.
V E N D I M
PËR
CAKTIMIN E DITËS SË HËNË, DATË 27 NËNTOR 2017, DITË PUSHIMI
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
VENDOSI:
- Caktimin e ditës së hënë, datë 27 nëntor 2017, ditë pushimi për punonjësit e administratës shtetërore.
- Dita e punës së datës 27 nëntor 2017 do të zëvendësohet në një nga ditët e pushimit brenda këtij viti.
- Ngarkohen institucionet e administratës shtetërore për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
