Tekniku i njohur italian, Claudio Ranieri do të vijojë karrierën e tij si menaxher i ri i Fulhamit, duke zëvendësuar kështu Slavisa Jokanovic.
Largimi i këtij të fundit erdhi pasi Fulham arriti të merrte vetëm një fitore në 12 ndeshje në Premier League.
Ranieri do të drejtojë ndeshjen e parë më 24 nëntor, e më pas klubi i Fulham do të përballet me Chelsean dhe me Leicester City në muajin dhjetor.
“Është një nder të pranoj ftesën e zotit Khan që më dha mundësinë për të udhëhequr ekipin e Fulham, një klub fantastik me traditë dhe histori”, tha Ranieri, i cili drejtoi klubin francez të Nantes sezonin e kaluar.
