Pas mbledhjes së qeverisë, zv/kryeministrja Senida Mesi ka dalë në një konferencë për mediat.
Gjatë fjalës së saj, Mesi i këshilloi qytetarët që të mos pranojnë asnjë kërkesë lidhur me tërheqjen e certifikatave, ndërsa shtoi se ato mund të sigurohen nëpërmjet portalit E-Albania duke thjeshtuar kështu procedurat burokratike.
“Vazhdojmë të mbajmë premtim duke ofruar shërbime më të shpejta, efecientë, përmes shërbimi E-Albania. Kjo bëhet për reduktimin e certifikatave, kopjet e kartelave të pasurisë, kapjet të hartës kadastrale, barra e vërtetimit i kalon administratës.
Dua të informoj qytetarët se ju jeni të çliruar nga detyrimi për tërheqjen dhe paraqitjen e certifikatave nga administrata, ndaj refuzoni çdo kërkesë për to.
Kërkojmë falje për ndonjë problematike gjatë kësaj faze. Ky është një hap i rëndësishëm për ndërtimin nga themelet të marrëdhënies së qytetarit me shtetin, për qytetarin”, tha Mesi.
