Zvicra e ka nisur më së miri eksperiencën në Ligën e Kombeve, pasi ka shkatërruar 6-0 Islandën. Një ndeshje pa shumë histori, pasi helvetët e kanë dominuar takimin që nga minuta e parë deri të fundit, duke mos u lënë asnjë shans për të rrezikuar islandezëve. Kjo ishte ndeshja e parë e Granit Xhakës se kapiten i skuadrës. Shqiptarët e Zvicrës ishin protagonistë absolutë në këtë sfidë me asiste dhe gola edhe pse një pjesë e madhe e zviceranëve i shpallën si “të padëshiruar” dhe se nuk e ndjenin fanellën që mbanin veshur.
Ishte mesfushoi, Steve Zuber ai që hapi serinë e golave në minutën e 13’ të ndeshjes, ndërsa vetëm 10 minuta më vonë ishte Denis Zakaria që dyfishoi dhe vulosi rezultatin e pjesës së parë.
Në minutën e tetë të pjesës së dytë, futbollisti i Liverpool me gjak shqiptar, Xherdan Shaqiri i çoi shifrat në 3-0, ndërsa Seferovic dhe “shqiptari” tjetër Albian Ajeti kompletuan “pokerin” e Zvicrës, që do të jetë pushim në raundin tjetër dhe do të luajë një miqësore kundër Anglisë, ndërsa Islanda do të presë Belgjikën më 11 shtator.
Goli i gjashtë u realizua nga mesfushori i lindur nga një familje shqiptare në Gostivar të Maqedonisë, Admir Mehmeti…
Në ndeshjet e tjera të luajtur për “Nations League”, për Grupin 2 të Ligës C, Finlanda fitoi 1-0 ndaj Hungarisë, ndërsa për Grupin 2 të Ligës D, Bjellorusia mposhti 5-0 San Marinon.
