Zvicra në besën e 4 shqiptarëve drejt Rusisë, Mehmedi bën gjestin e madh

Zvicra u ka dhënë fund dilemave për lojtarët që do të udhëtojnë drejt Rusisë për Botërorin që do të startojë pas pak ditësh. Nuk ka pasur surpriza nga trajneri Petkoviç i cili nuk ka ftuar sulmuesin shqiptar Albian Ajeti, pavarësisht se ai ka mbyllur një sezon fantastik me Baselin. Por nga ana tjetër është katër numri i shqiptarëve që do të udhëtojnë, Berhami, Xhemaili, Shaqiri dhe Xhaka.Tashmë Behrami mund të thuhet se është futur në “librin e historisë”, pasi Botërori i Rusisë është i katërti në karrierën e tij. Nga ana tjetër, për Xhemailin dhe Shaqiri ky është Botërori i tretë, ndërsa për Granit Xhakën bëhet fjalë për pjesëmarrjen e dytë radhazi në një eveniment të tillë, pasi atij të zhvilluar në Brazil. Për tu vlerësuar ka qenë gjesti i Mehmedit i cili i ka kërkuar trajnerit që të mos e grumbullojë pasi nuk ishte në gjendje të ndihmonte shokët për shkak të një dëmtimi.Portierë: Yann Sommer , Roman Bürki , Yvon Mvogo.
Mbrojtës: Stephan Lichtsteiner, Ricardo Rodriguez, Johan Djourou, Manuel Akanji, Michael Lang, Fabian Schär, Nico Elvedi, François Moubandje.
Mesfushorë: Valon Behrami, Granit Xhaka, Denis Zakaria, Blerim Dzemaili, Remo Freuler, Gelson Fernandes, Xherdan Shaqiri, Steven Zuber.
Sulmues: Breel Embolo, Haris Seferovic, Josip Drmic, Mario Gavranovic.