Zv.ministri i Brendshëm, Besford Lamallari ka folur për zgjedhjet që do të mbahen nesër, duke evidentuar edhe qytetet ku situata pritet të jetë më problematike.
I ftuar në emisionin “Kjo javë” në News24, Llamari tha se qytetet në të cilat janë vendosur më shumë forca policie janë Tirana, Lezha, Dibra dhe Kukësi. Pavarësisht kësaj, ai shtoi se në të gjithë territorin e vendit do të ketë forca policie, për të siguruar mbarëvajtje të zgjedhjeve.
Pjesë nga intervista:
“Jemi përgatitu për mbarëvajtje të procesit zgjedhor. Komunikimi është normal dhe puna vazhdon. Ka një plan masash. Kemi klasifikuar qytetet e ndryshme, ku votohet. Ka zona risku si prsh Tirana, sepse ka shumë qendra votimi, ku janë shumë të sigurta.
Nëse ka rrezik të mundshëm, kemi shtuar punonjës policie. Policia është e pranishme jo vetëm në Tiranë, por në çdo qytet ku zhvillohen votimet. Kemi bashkëpunuar me Prokurorinë për veprat penale që kanë të bëjnë me krimet zgjedhore. Kemi bashkëpunuar me OSBE – ODHR dhe KQZ. Vëmendje kanë pasur edhe Lezha, Kukësi, Dibra. Janë në total mbi 8000 punonjës policie në mbarë vendin për mbarëvajtje të zgjedhjeve.
Mendoj që thirrjet që ka bërë Policia e Shtetit për të eliminuar çdo akt të dhunës, tregon shkallën e lartë të profesionalizmit dhe përmban në thelb edhe komunikimin etik. Ne do të vazhdojmë të procedojmë dhe të ndjekim ligjet për ata persona që janë problematikë në zgjedhje. Dhe janë ligje që personi që i shkel dënohet me 5 vjet minimumi”.
