Zëvendëskryeministri i Kosovës, Enver Hoxhaj ka takuar ditën e djeshme Nuncin Apostolik të Vatikanit për Kosovën, Monsinjor Jean-Marie, me të cilin kanë diskutuar për marrëdhëniet mes dy shteteve.
Me anë të një postimi në “Twitter”, Hoxha shkruan se Vatikani ka qenë gjithmonë mbështetës i madh i pavarësisë së Kosovës, ndërsa shtoi se njohja nga Vatikani është e domosdoshme.
“Diskutim i shkëlqyeshëm me nuncin apostolik të Vatikanit për Kosovën, Monsinjor Jean-Marie. Vatikani është mbështetës i madh i pavarësisë së Kosovës, ndërsa tani kur jemi në përmbyllje të shtetndërtimit njohja nga Selia e Shenjtë është e domosdoshme”, ka shkruar Hoxhaj.
Kujtojmë se Vatikani është një nga vendet që nuk e ka njohur ende pavarësinë e Kosovës.
