Zëvendës kryeministri i Japonisë, Taro Aso bëri një dekolaratë të fortë ditën e djeshme, ku tha se vendi i tij dhe Shtetet e Bashkuara të Amerikës, duhet të mbrojnë ishullin e Taivanit nëse pushtohet nga Kina.
Aso u shpreh gjatë fjalës së tij se pushtimi i Taivanit do të përbënte rrezik për qytetin japonez të Okinawa, sipas agjencisë vendore Kyodo, shkruan NBC News.
“”Nëse një problem i madh do të ndodhte në Tajvan, nuk do të ishte shumë për të thënë se ai mund të lidhej me një situatë kërcënuese për mbijetesë për Japoninë. Ne duhet të mendojmë se radhën më pas e ka Okinawa”, tha Aso.
Një “situatë kërcënuese për mbijetesë”, i referohet një situate kur ndodh një sulm i armatosur kundër një vendi të huaj që është në një marrëdhënie të ngushtë me Japoninë, i cili nga ana tjetër paraqet një rrezik të qartë për vendin.
Një situatë e tillë është një nga kushtet që duhet të plotësohen që Japonia të ushtrojë të drejtën e saj të vetëmbrojtjes kolektive, ose duke ardhur në ndihmë të një aleati që po sulmohet.
Kina nuk e ka përjashtuar kurrë përdorimin e forcës për të ribashkuar Taivanin me tokën kontinentale dhe stërvitjet e fundit ushtarake nga Pekini nëpër ngushticat e Taivanit kanë rritur tensionet. Komentet e Aso kanë zemëruar Pekinin, i cili e konsideron Taivanin si territorin e tij.
