Xhisiela Maloku, e cila mori famë si ish-e dashura e Rexhep Rrajës, djalit të deputetit të PS-së, Rrahman Rraja, ka goditur sërish. Ajo ka publikuar një mesazh të fortë në rrjetet sociale.
“Se Zoti është i madh, të drejtin një ushtri s’e rrëzon”, shkruan Xhisiela, në një postim në Instastory.
Referuar atentatit ndaj prokurorit Arjan Ndoja, ka rënë në pranga Redjan Rraja, kushëriri i Rexhepit, që Maloku e ka denoncuar për dhunë dhe presion.
Redjan Rraja ndodhet në qeli, si një nga autorët e atentatit të 1 nëntorit ndaj prokurorit Arjan Ndoja. Vetë Rraja ka deklaruar se nuk ka marrë pjesë në atentat, dhe se ka alibi për vendndodhjen e tij në momentin kur është kryer atentati.
Një vit më parë, historia e Xhisiela Malokut u përhap me shpejtësi në media, duke shkaktuar një valë komentesh dhe reagimesh. Shkak u bë një denoncim i saj në polici për dhunë nga ish-i dashuri, djali i deputetit të PS-së, Rrahman Rraja.
