Kryeministri i Maqedonisë së Veriut, Zoran Zaev beson se Ballkani nuk është më një bombë me sahat, duke shtuar se zgjidhjet për problemet ekzistuese do të gjenden përmes dialogut.
Në një intervistë për median serbe N1, Zaev tha se ai nuk mendon se një bashkim i Kosovës dhe Shqipërisë është diçka e mirë.
Sipas tij, bashkimi po kërkojnë disa politikanë nuk është e ardhmja që dëshirojnë njerëzit e Kosovës dhe e Shqipërisë, e as të tjerët në rajon sepse e ardhmja e tyre është në Bashkimin Evropian.
“Një Evropë pa kufij në të cilën njerëzit bashkëpunojnë dhe komunikojnë dhe unë jam i bindur se këto janë ide nga individë që janë në pakicë dhe nuk kanë të ardhme,” tha ai.
“Zgjidhjet nuk gjenden lehtë. Unë kam kaluar disa procese të vështira, “tha ai dhe kujtoi marrëveshjet me Bullgarinë dhe Greqinë që përfshinin ndryshimin e emrit kushtetues të vendit. “Serbia dhe Kosova dhe vendet e tjera përballen me sfidat e tyre por patjetër që zgjidhjet mund të gjenden përmes dialogut, diplomacisë dhe miqësisë,” shtoi ai.
Ai u shpreh se Shkupi po ndërton marrëdhënie të shkëlqyera me kryeministrin shqiptar Edi Rama, presidentin serb Aleksandar Vuçiç, kryeministren Ana Brnabic dhe promovon të gjitha mundësitë e bashkëpunimit midis serbëve, shqiptarëve, maqedonasve.
“Unë sinqerisht shpresoj se Kryeministri i mundshëm i Kosovës Albin Kurti do të bashkohet në bisedimet që përfitojnë të gjithë,” tha Zaev.
Ai tha se iniciativa mini-Shengen do të sjellë përfitime për të gjithë, duke shtuar se ka zhvillime të rëndësishme në atë drejtim të tilla.
