Situata po shkon drejt normalizimit pas rënies së zjarrit në pyllin e Semanit, në Fier. Falë ndërhyrjes së helikopterit të Forcave të Armatosura, flakët janë vënë nën kontroll.
Prefekti i qarkut Fier, Baki Bala, në një prononcim për “Report Tv”, ka thënë se situata po shkon drejt normalizimit, dhe se në këtë emergjencë janë përfshirë 6 hektarë.
“Situata është drejt vendosjes në kontroll. Ka ende disa vatra të rrezikshme që mbahen nën kontroll.
Situata është e tillë që kurorat e pishave janë ende të pacënuara gjatë ditës së djeshme dhe ditës së sotme.
Ka një mbështetje shumë të fuqishme, nga strukturat në qark, por edhe ato qendrore.
Kemi shpresë se do të normalizohet. Kjo situatë ka përfshirë 6 hektarë.
6 hektarë nuk janë dëmtim të pishave, por janë të pëfshira në këtë emergjencë”, deklaroi ai.
