Detaje të reja janë zbardhur nga ngjarja e rëndë në Kurbin, ku humbi jetën një fëmijë 2-vjeçar. Dyshohet që fëmija 2-vjeçar të ketë qenë duke luajtur me shkrepëse bashkë me motrat e vëllezërit. Në momentin kur ka rënë zjarri, babai i fëmijës ka qenë në punë. Zjarrfikësit kanë arritur të shpëtojnë shtëpinë, ndërsa magazina është shkrumbuar plotësisht. Familja Çoku ndodhet në gjendje të vështirë ekonomike dhe ka 7 fëmijë.
Përmes një njoftimi zyrtar, policia sqaron se fëmija është gjetur i asfiksuar pa jetë brenda kësaj banese dhe me shenja djegie.
Në vendngjarje ndodhen forca të policisë dhe zjarrfikësja.
“Sot, rreth orës 15:00, në banesën e shtetasit H.Ç., banues në Sanxhak, Kurbin, ka rënë zjarr, ku pas mbërritjes së shërbimeve të policisë dhe zjarrfikëses, në ambjentet e brendshme të banesës është konstatuar trupi i pajetë i një të mituri, 2-vjeçar.
Nga veprimet e para hetimore rezulton se fëmija ka ndërruar jetë si pasojë e asfiksisë dhe djegies.
Në vendngjarje, grupi hetimor po punon për zbardhjen e plotë të ngjarjes”, thuhet në njoftimin zyrtar të policisë.
