Zinedine Zidane ka kritikuar Partinë e Frontit Kombëtar të Marinë Le Pen, kritikat u përsëritën mbas 15 vitesh, pasi dhe në vitin 2002, Zidane doli kundra partisë. Ideja primare e Le Pen për largimin nga BE dhe ndalimin e emigrantëve, prek dhe vetë Zidane, i cili ka babain e tij algjerian.
Trajneri i Real Madridit shpreson që ajo të humbasi raundin e dytë të zgjedhjeve presidenciale franceze më 7 maj. Kjo nuk është hera e parë që Zidanë godet një parti, pasi në mënyrë të ngjashme shprehu shqetësimin për të atin e Le Pen, Jean-Marie Le Pen, në vitin 2002.
“Mesazhi im do të jetë gjithmonë i njëjtë me atë të vitit 2002”, tha Zidane, gjatë konferencës së tij për shtyp. “Unë jam shumë larg nga idetë kombëtare dhe unë do të doja të shmangim një fitore zgjedhore të Frontit Kombëtar. Në vitin 2002, partia e krahut të djathtë fitoi në votimin e dytë për zgjedhjet presidenciale dhe Zidane ishte shumë i zëshëm në atë kohë për rëndësinë e votimit.
“E vetmja gjë që unë do të thosha është se njerëzit duhet të votojnë”, tha ai 15 vjet më parë. “Mbi të gjitha, ata duhet të mendojnë për pasojat që mund të lindin, nëse ata votojnë për një parti që nuk korrespondon me vlerat franceze. Unë jam francez, ndërsa babai im është algjerian dhe unë jam krenar për këtë. Mos u mërzisni për ndikimin personal që mund të ketë mbi mua.
“Zgjedhja e Jean-Marie Le Pen mund të ketë pasoja serioze për Francën”, përfundoi tekniku madrilen, Zinedin Zidane.
Është e turpshme nga ana e Le Pen pasi, ishte Zidane që së bashku me shumë lojtarë të tjerë me origjinë jo franceze, të cilët në 98’ i dhuruan Francës, Kupën e Botës.
