Milani nuk ka arritur të marrë më shumë se një barazim në “San Siro” përballë Atalantës, tashmë u bënë 5 vite që kuqezinjtë nuk i mposhtin zikaltërit në shtëpi. Ndeshja përfundoi në barazim 2-2 dhe është barazuar në kohën shtesë nga Rigoni.
Ndeshja filloi me gol, ishte Gonzako Higuain që gjen rrugën e rrjetës vetëm pas 1:33 sekondash. Një ekzekutim spektakolar nga argjentinasi i cili mori një asist mjaft të bukur nga spanjolli, Suso. Milani edhe pas golit kontrollon ndeshjen dhe krijon shumë raste për të shënuar, por nuk tregohen në asnjë rast të saktë para portës dhe pjesa e parë mbyllet 1-0.
Rregulli i pashkruar futbollit “goli i humbur, gol i pësuar” është konfirmuar në minutën e 54-t, kur Gomez ka barazuar ndeshjen për miqtë. Gjithsesi, gëzimi i zikaltërve ka zgjatur vetëm 7 minuta, teksa Bonaventura ka kthyer në avantazh kuqezinjtë në të 71-ën.
Ishte Suso që asistoi edhe në këtë rast dhe më pas jep një asist fantastik për Calhanoglu, i cili nga shumë panë nuk arrin ta dërgojë topin në portë. Kur ndeshja u mendua se përfundoi, Atalanta merr kontrollin e lojës dhe sulmon Milanin nga të gjitha anët. Në minutën e 92’ është Rigoni që dërgon topin në rrjetë, ku një top i pritur nga Donnarumma i vjen në këmbë dhe e shtyn në rrjetë.
Ky barazim, i dyti radhazi në kampionat për Milan pas atij të marrë në fushën e Cagliari-t, i lë kuqezinjtë në vendin e 13-të me 5 pikë, po aq sa Atalanta, që ndodhet një vend më sipër për shkak të diferencës më të mirë të golave.
