Dy deklarata në kundërshtim me njëra-tjetrën mes Cristiano Ronaldos dhe Sergio Ramos , kanë lënë të besohet se ka një krisje mes miqësisë mes tyre. Por këtë fakt e ka hedhur poshtë tekniku francez Zidane, në konferencën e mbajtur në prag të derbit të Madridit.
“Deklaratat e Ramos dhe Cristianos? E respektoj pyetjen, por nuk do të përgjigjem. Nuk ndikojnë farë në skuadër e aq më tepër para një përballjeje mjaft delikate, sikurse është derbi me Atleticon. Ronaldo dhe Ramos kanë shkruajtur historinë e këtij klubi dhe e respektojnë njëri – tjetrin. Megjithatë, ne nuk mund t’i ndalojmë njerëzit të japin opininionin e tyre, madje as për Neymarin (i cili përflitet për një transferim ne Santiago Bernabeu”). Cristiano dhe Ramos mund të kenë mendime të ndryshme dhe asnjëri nuk mund t’i ndalojë t’i shprehin. Ata janë të zgjuar dhe i kanë sistemuar gjërat mes tyre. Jemi të përqendruar te ndeshja e radhës.”-u shpreh fillimisht Zidane.
“Nuk ka asnjë problem mes Cristianos dhe Ramosit. Nëse mendoni se ka probleme mes tyre, gaboheni”, theksoi mes tjerash Zizu në konferencë para derbit me Atletico Madridin.
