Tekniku i Real Madrid, Zinedine Zidane gjatë një konference për shtyp, ka bërë të qartë se ai roli i tij si trajner i madrilenëve nuk është asnjëherë i sigurt. Francezi ka arritur të marrë suksese të mëdha me ekipin në të gjitha kompeticionet dhe ka nënshkruar një kontratë afatgjatë. Por kur drejton ekipe të nivelit të Real Madrid asnjëherë nuk je i sigurt se sa do të vazhdojë, është shprehur ai.
”Kam një kontratë afatgjatë por kjo nuk do të thotë asgjë. Jetoj ditë pas dite sepse gjërat mund të ndryshojnë shpejt. Unë mendoj vetëm për këtë sezon. Nuk jam aspak euforik dhe dëshiroj të punoj intensivisht. Asnjëherë nuk mund ta dish se çfarë do të ndodhë nesër sidomos kur je pjesë e një klubi të madh si Reali i Madridit”, deklaroi Zidane.
Zidane nuk është akoma i kënaqur me çfarë ka arritur deri tani tek madrilenët dhe kërkon që të punojnë çdo ditë e më shumë. Forma që e nisi sezonin Real Madrid ishte shumë e dobët, por kjo nuk vjen për aspektin se lojtarët janë të kënaqur për arritjet dhe u mungon dëshira. Tekniku madrilen ka deklaruar se ekipit të tij thjeshtë i duhej pak kohë pasi ishin të lodhur dhe çdo ekip ka një moment të keq, ne e kaluam që në fillim të kampionatit.
