Zinedine Zidane është shprehur i qartë në konferencën para mediave se Real Madrid ka vendosur që nuk do të rreshtohet për të bërë “korridorin” në nder të kundërshtarit, në “El Clasico” nëse Barcelona e ka fituar matematikisht titullin.
Pikërisht për këtë, është fol se Reali duhet t’ia bëjë “korridorin e nderit” Barcelonës, për ta nderuar për titullin e fituar. Por, Zinedine Zidane thotë se këtë nuk e bëri Barcelona për Realin dhe as Reali nuk do ta bëjë për Barcelonë.
“E kam vendosur dhe nuk ka vend fare për debat: nuk do të bëjmë korridor nderi. Nuk e kuptoj pse duhet korridori. Barcelona e para e prishi këtë traditë”, u shpreh Zizu.
“Nuk do t’ia bëjmë Barcelonës korridorin e nderit. Nuk dua të flasim më për këtë”, u përgjigj më tej Zidane.
