Zinedine Zidane ka folur përpara gjysmëfinales së parë kundër Atletikos së Madridit. Tekniku madrilen ka hedhur mënjanë fitoren në finalen e Milanos, sezonin e shkuar dhe kërkon fokusim në përballjen e sotme.
“Le të harrojmë të kaluarën dhe të shohim përpara, ne duhet të mendojmë vetëm për ndeshjen e sotme, pa menduar për të shkuarën apo finalen e Cardiff-it. Ne luajmë në shtëpi, ne duam të bëjmë një performancë të shkëlqyer dhe shpresoj, tifozët do ta ngarkojnë atmosferën me entuziazëm të madh”- deklaroi Zidane.
Francezi, gjithashtu, theksoi rëndësinë e sfidës në “Bernabeo”, duke shprehur dhe frikën që ka për ndeshjen e kthimit në shtëpinë e Atletiko Madridit.
“Ne jemi në një nga momentet tona më të mira, jam i lumtur dhe kam shpresë. Ne e dimë se do të jetë një lojë e vështirë e cila do të vendoset me pak gola. Fitorja në “Bernabeo” për ne do të jetë shumë e rëndësishme pasi Atletiko do thotë fjalën e vet dhe në fushën e saj”- përfundoi trajneri madrilen. Zinedine Zidane.
