Skënderbeu ka dalë me barazim edhe në miqësoren e tretë që zhvilloi në Turqi, ku është duke zhvilluar fazën përgatitore. Tekniku Ilir Daja në pjesën e parë kishte hedhur në fushë të njëjtin formacion që është paraqitur në Europë. Skënderbeu ishte më e qartë në lojën e saj në pjesën e parë, në fund të së cilës kaloi në avantazh me anë të James Adeniyi.
Në pjesën e dytë stafi teknik i korçarëve kreu disa zëvendësime, duke hedhur në fushë lojtarët që kanë patur më pak minuta në këmbë. Kampionët e Rumanisë arritën të barazonin në fraksionin e dytë, me sfidën që u mbyll pa një fitues.
Formacionet:
Skënderbeu: Shehi, Vangjeli, Radas, Jashanica, Mici, Osmani, Lilaj, Muzaka, Gavazaj, James, Sowe.
Viitorul: Rimniceanu, Ghita, Horj, Mladen, Matan, De Nooijer, Vodut, Kofi, Ciobanu, Dragus, Dumitrascu.
