Një adoleshente shqiptare është zhdukur në Angli, ndërsa autoritetet kërkojnë ndihmë për gjetjen e saj duke publikuar të dhëna mbi vajzën.
Fillimisht e ëma e 13-vjeçares ka kërkuar ndihmën e një gruaje, duke e pyetur se ku ndodhet stacioni i policisë më 1 shkurt.
Rreth orës 11:30, ajo dhe fëmijët e saj janë dërguar në stacionin më të afërt policor nga gruaja, por shqiptarja është larguar pa folur më parë me oficerët.
Duket se vajza e shqiptares ka humbur çdo gjurmë, ndërsa policia ka prioritet gjetjen e 13-vjeçares e identifikuar si Megi Bukaci, me flokë të gjatë kafe dhe sy ngjyrë kafe.
Ajo kishte veshur një triko gri, xhinse të errëta dhe një xhaketë blu. Autoritetet kanë publikuar rastin ndërsa kërkojnë ndihmë nga çdokush që e ka parë gruan me dy fëmijët e saj për të kontaktuar me ta dhe për të dhënë ndonjë informacion që mund të ndihmojë hetimin.
