Shkarkohen dy specialistë të Zyrës Vendore të Regjistrimit të Pasurive të Paluajtshme në Korçë.Konkretisht, kryeregjistruesi Elion Semanaj ka firmosur ndërprerjen e marrëdhënies së punës për dy specialistët E.G. dhe A.P., pasi këta të fundit kanë zhdukur në bashkëpunim dy kartela pronësie.
Menjëherë është ngritur një grup pune dhe është kërkuar një hetim i brendshëm i institucionit. Në këto kushte, janë kontrolluar kamerat e sigurisë së institucionit dhe është evidentuar se dy punonjësit e zyrës, kanë bashkëpunuar me njeri-tjetrin në këtë vepër penale.
Ndaj tyre është depozituar kallëzimi penal pranë organit të Prokurorisë së Rrethit Gjyqësor Korçë.
