Pas bojkotit të mësimit nga një grup studentësh në Fakultetin e Juridikut, vjen zgjidhja për ata studentë që duan të vijojnë procesin mësimor.
Dekani i këtij fakulteti, Artan Hoxha ka njoftuar se mësimi do të nisë që sot në një nga gjimnazet e Tiranës. Ai tha se mësimi do të vijojë normalisht, por do të zhvillohet pasditeve.
Kjo zgjidhje erdhi pas kërkesës së Hoxhës për sigurimin e ambienteve të tjera, ku të mund të zhvillohej mësimi për studentët që nuk duan të humbin vitin.
Dje në Fakultetin e Drejtësisë pati një përplasje të dhunshme mes studentëve, të cilët ndahen në 2 grupe: ata që bojkotojnë mësimin dhe ata që duan të zhvillohet mësimi.
