Në një intervistë dhënë për televizionin grek “ERT1”, ministri i Jashtëm i Greqisë, Nikos Kotzias, ka folur në lidhje me Shqipërinë si dhe për çështjen detare me Turqinë.
Ai la të kuptohet se nuk përjashtohet mundësia për një “ekspansion” territorial duke filluar nga Deti Jon deri në 12 milje. Kotzias ka thënë se është e drejta e Greqisë të shtojë territor edhe në zonën e Egjeut, kjo në bazë të Konventave mbi Ligjin e Detit-shkruan Tirana Today.
Këto pohime Kotzias, i ka bëra gjatë intervistës, ndërsa nuk ka lajmëruar asnjë datë zyrtare se kur mund të ndërmerreshin veprime konkrete. Ministri nuk përjashton zgjerimin e kufirit detar duke iu referuar për herë të parë Marrëveshje për të Drejtën Detare në ujërat deri në 12 milje, një marrëveshje që ekziston por deri më sot nuk është zbatuar nga pala greke. Ndërsa për Turqinë zgjerimi kufitar detar nga pala greke përbën “arsye luftë” sipas mbledhjes se 8 qershorit 1995-shkruan Tirana Today.
I pyetur për këtë, Kotzias sqaroi se “është e drejtë e Greqisë për t’u zgjeruar në Detin Egje , nuk është problem që ne të mund të diskutojmë me Turqinë, problemi ynë është shelfi (rafti ose nënshkrimi) kontinental. Kemi identifikuar detin territorial me të cilin kemi sovranitet, duke nënvizuar se ne do të vazhdojmë për identifikimin pjesë-pjesë. Teoria se e gjithë kjo të bëhen automatikisht nuk solli asgjë rë re, pra në dekada kjo nuk ka çuar askund. Në emër të maksimalizmit, domethënë nuk bëhet asgjë-shruan inewsgr.
Zona bregdetare është me rëndësi të madhe për identifikimin e AOZ-it me të gjitha vendet, por në mënyrë të veçantë me Shqipërinë. Zona bregdetare dhe të drejtat dhe interesat tona sovrane janë me rëndësi të madhe për të gjitha palët”-theksoi ai. PËRSHTATI TIRANA TODAY
