Emigrantët shqiptarë të cilët jetojnë në Greqi, kanë pasur një rol të rëndësishëm në zgjedhjet vendore por edhe të përgjithshme në vendin tonë.
Ndryshe nga herët e tjera, këta votues të cilët në më të shumtën e rasteve u janë vënë në dispozicion edhe autobusë falas, kësaj here duket kanë humbur interesin për të votuar.
Burime nga qyteti bregdetar i Himarës, janë shprehur për ”Tirana Today”, se dy nisjet e parashikuara , pasditen e datës 23 qershor dhe pasditen e datës 24 qershor, nga subjekti PBDNJ, nuk ka pasur pritshmërinë e llogaritur në letër.
Sipas këtij burimi, behët fjalë se gjatë votimeve që lamë pas, por edhe para 8 viteve, në këtë qark kanë ardhur më shumë se 20 mijë votues.
Ndërsa kësaj here, mësohet se në të gjithë Qarkun e Vlorës kanë ardhur rreth 1000 deri në 1500 votues.
Këtë lajm e kanë konfirmuar edhe burime konfidenciale nga pika doganore e “Kakvijës”, ku pohojnë se gjatë dy ditëve të fundit nuk kanë qenë më shumë se 20-të autobusë që kanë pasur si destinacion Qarkun e Vlorës.
Po ashtu, kanë konfirmuar se deri tani janë larguar në drejtim të shtetit fqinj 15 autobus.
Nga ana tjetër, edhe në tabelën e KQZ-së për pjesëmarrjen e votuesve, rezulton se në gjithë territorin e Qarkut Vlorë numri i votuesve është shumë më i ulët se ai i 4 viteve më parë.
