Gara presidenciale në SHBAM, rezultoi të ishte një betejë e fortë jo vetëm gjatë fushatës elektorale, por dhe gjatë numërimit të votave.
Mbi 160 milionë amerikanë kanë votuar në zgjedhjet presidenciale të 3 nëntorit në SHBA, duke prodhuar shkallën më të lartë të pjesëmarrjes në 120 vjet.
Të dy grupet drejtuese të fushatës të preisdentit Donald Trump dhe kandidatit democrat, Joe Biden u kanë dërguar mesazhe mbështetësve të tyre duke bërë thirrje për një mbledhje fondesh për të mbështetur përpjekjen e re në pikëpamjet, proceset gjyqësore para gjykatave ku do të diskutohet vlefshmëria e votës.
Trump ka depozituar një padi ku kërkon mbylljen e procesit të numërimit të votave në Michigan.
“Ne kemi ngritur padi sot për të pezulluar procesin e numërimit në Michigan. Ne gjithashtu kërkojmë të rishikojmë ato fletëvotime të hapura dhe të numëruara”, deklaruan më herët drejtuesit e fushatës së Trump.
Ndërkohë, Biden tha se stafi I tij do mbrojë të gjitha votat dhe se rezultatin e zgjedhjeve e përcakton populli amerikan, e jo Trump.
”Për t’u siguruar që çdo votë është numëruar, ne jemi duke vendosur përpjekjen më të madhe për mbrojtjen e zgjedhjeve të mbledhura ndonjëherë. Për shkak se Donald Trump nuk arrin të vendosë për rezultatin e këtyre zgjedhjeve – e bën populli amerikan. Bëni pjesë për të furnizuar Fondin e ri të Luftës Biden’’, ka shkruar 78-vjeçari në rrjetin social, Twitter.
